10-09-2023 天氣多雲有雨

今日仍然係灰灰暗暗既天色, 有雨, 同我心情一樣咁差... 睇返舊MESSAGE原來上年既9月10號就係中秋節, 佢上年仲好好請日假陪我...可惜我訓著左睇遲左佢MESSAGE遲左個幾鍾見面咁就晒左個幾鍾...但個時佢都唔介意都冇鬧冇怪我, 仲帶我去咗黃埔食詠藜園小籠包同擔擔麵, 我哋仲去咗行奇趣天地睇模型, 又行左DONKI, 又一齊飲西瓜汁, 佢個日仲買咗好貴既日本香印提子俾我同屋企人食, 雖然只係陪左我半日, 但係已經覺得好開心好幸福啦！時間過得真係好快, 一年容易又中秋...... 一路以來都冇諗過2023年既中秋會唔係同佢過...... 以前每年會親手送俾佢既月餅... 什至試過特登上堂學習親手做既月餅送俾佢, 佢都會收都會食架...... 今年好想同佢講中秋節快樂同送月餅俾佢都好難啦, 唔知呢一世仲會唔會有機會同佢再過一次中秋節呢... 好後悔以前我自己每樣既不足每樣既缺點... 樣樣都做得唔夠好... 唔識點做人更加唔識係佢角度體諒佢既難處... 而家先知自己過份係唔係真的太遲呢？係唔係以後都冇得反轉頭啦？...... 好後悔好後悔啊....