11-09-2023 天陰又大雨

今曰終於鼓起勇氣返工啦, 雖然返早但都覺得好攰... 今朝終於見到佢啦... 不過隔得幾遠下仲隔住佢D兄弟... 可以離遠望到都好好架啦... 話晒我吔都有兩個幾星期見唔到...今朝真係唔知點解咳得厲害... 食完早餐行去加水個時係出面同人傾緊計講緊笑個時竟然大聲咳起上嚟仲有D氣喘...覺得尷尬之外望下佢係唔係附近掉嘢啦...點知佢望住我係真係有D定定地格咁望住, 唔似係咁啱得咁Q既囉...(咁都可能有機會係我FEEL錯既...但又真係唔似呢...) 唔知佢會唔會係聽到我咳成咁擔心我先望過嚟呢... 希望係啦...自己呃自己有時都幾好..... 之後10點幾11點又見到佢自己係度做嘢喎...真係好幾個月都未試過有機會見到佢自己一個人做嘢啦！呢D千載難憑既機會可以係佢單獨個時搵佢既機會啊！！但係我好努力咁忍住左好難咁壓制左自己想衝過去搵佢既衝動... 我其實好想衝埋去問佢上上星期去咗邊度旅行？更加想問佢點解要刪左個帳號？但係我唔敢...... 我發現我唔係驚佢鬧我...... 我係驚佢又會唔開心..... 驚佢會嬲.... 驚佢會驚左我.... 驚佢會覺得尷尬.... 驚佢又會跑走左.....至於刪除就冇得驚啦......因為所有嘢佢都刪晒冇嘢俾佢刪啦...... 我都唔知點算好...每日都諗..... 無時無刻都諗以後都唔知點算好.....冇晒聯絡方法....日後發生咩事都搵唔到佢....就算有日自己想做傻事之前想同佢道別講埋最後一次好掛住你都搵唔到佢啦..... 唉..... 而家咩嘢都係佢角度諗先...... 結果咩都做唔到...... 唯一可以做既就係繼續食素... 為佢祈福希望佢好...... 之後會肯做返朋友啦... 唯有求神保佑啦... 我冇能力好似人哋同埋其他女仔咁容易同D狗狗同其他動物相處...... 不過我真係唔係唔鐘意.... 只係由細到大都好驚動物..... 但我堅持所有用動物皮做既嘢都唔買唔用......減少食肉... 增加食素... 為佢祈福又好... 為自己健康就算啦... 自從佢背棄我之後我健康一直都冇好過... 只有愈來愈差........ 好難得今日可能因為成日都冇咩點食嘢... 同碟鮮茄焗素豬扒飯又真係好好味好難得食得晒..... 食完真係好飽聽日都唔洗點食嘢啦....而家凌晨好掛住佢都未訓得到...不過今晚食飽左掛住佢都叫做好DD啦！